કે તારા કાજળભર્યા નયનોનાં કામણ..,(૨)
નેવળી તીરછી નજરનું આમંત્રણ..,
પાગલ પરવશ ભટકતો રહ્યો..,(૨)
મારી બરબાદીનું એજ છે એક કારણ..,
કોરસ- કે તારા કાજળભર્યા નયનોનાં કામણ..,
અંતરા-૧.
પ્રીતની રીત જો સત્વર મળે તો..,
દ્વૈત-અદ્વૈતમાં તત્પર ભળે તો..,(૨)
આયખાંની અવધિ અટકે અધવચતો,
છળને કપટનું કાઢજે તું તારણ..,
કોરસ- કાજળભર્યા નયનોનાં કામણ..,
અંતરા-૨.
યાદ ફરી-યાદના તાણા વણે તો,
સાદ પ્રતિ-સાદે કણે-કણે તો,(૨)
ભેદને ભરમના ઊઠે તરંગ તો,
જાણજે ધડક્યું છે તારું સંભારણ..,
કોરસ- કાજળભર્યા નયનોનાં કામણ..,
અંતરા-૩.
પ્રેમની ભાષા જો ભરમાતી લાગે,
ઉરની ઉષા જો કરમાતી લાગે,(૨)
આંખમાં આંસુની ઓછપ અંજાયતો,
દુઃખ કેરા દરિયા સુકાયાનું કારણ..,
કોરસ- કાજળભર્યા નયનોનાં કામણ...,
અંતરા-૪.
નયનોમાં સમણાનું કસ્તર પડેતો..,
કાળજાને કોરતું નસ્તર નડે તો..,(૨)
શ્વાસ-નિશ્વાસના અટકે ચરણ તો,જાણજે,
કર્યું છે માયાએ મારણ..,
કોરસ-કાજળભર્યા નયનોનાં કામણ..,(૨)
કે તારા કાજળભર્યા નયનોનાં કામણ..,(૨)
નેવળી તીરછી નજરનું આમંત્રણ..,
પાગલ પરવશ ભટકતો રહ્યો હું..,(૨)
મારી બરબાદીનું એજ છે એક કારણ..,
કોરસ- કે તારા કાજળભર્યા નયનોનાં કામણ..,(૨)
