“ સોમ, માણસ ઘણી વાર મૂળ કઈ વસ્તુની તેને શોધ છે તે જ ભૂલી જાય છે. દાખલા તરીકે મૂળ તેને પ્રેમની શોધ હોય – જેથી તે પોતાના સાચા સ્વરૂપને પામી શકે, એને બદલે તે કોઇક વ્યક્તિને પામવાની હઠ ધરીને બેસે અને વિહ્વળતા ને નિર્ર્થકતામાં જીવન પૂરું કરી નાખે. દાખલા તરીકે, માણસને સંગીતની, સંગીતના મર્મની શોધ હોય અને તે વાયોલિનને, અને તે પણ દુનિયા પરનાં લાખો વાયોલિનમાંથી એક જ વાયોલિનને સંગીતનું સર્વસ્વ માની લે ! ” તે હસ્યો. “ આપણી અંદર પ્રેમ જન્મે તો પછી પ્રેમ આપણને, શોધ્યા વિના, આવી જ મળે છે. કદાચ આપણે ધાર્યું હોય તેના કરતાં જુદા રૂપે. જીદ અને ઈચ્છાનો નશો ઉતરી જાય તો, એ જુદા રૂપમાં મૂળ વસ્તુની ઓળખ થાય પણ ખરી. ”
- અગનપિપાસા – કુન્દનિકા કાપડીઆ
No comments:
Post a Comment